A Asociación cultural Barbantia organiza unhas xornadas en homenaxe a Anxo Rei Ballesteros que se desenvolverán durante todo este mes de novembro. Dentro do seu amplo programa, recollido en imaxe ampliábel abaixo, inclúese -o día 20- a proxección do vídeo Feramente literario, realizado por alumnado do noso centro, ademais dunha mesa-coloquio na que participará o profesor Andrés Esteban.
Unha iniciativa magnífica que nos permitirá tamén asistir á presentación dunha novela inédita do autor, A noite do moucho, ou á do libro artesán O resto é silencio, con textos de Rei Ballesteros e gravados de Manuel Teira. As xornadas rematarán coa entrega dos Premios Barbantia da Cultura, e entre os finalistas figura a Coordinadora de Equipos de Normalización e Dinamización da comarca, da que formamos parte.
Máis información, no xornal Certo.
Comentarios recentes