[kml_flashembed movie="http://apps.rockyou.com/rockyou.swf?instanceid=136122472&ver=102906" width="520" height="420" wmode="transparent" /]
Baixo ese título desenvolvemos unha charla-coloquio -que superou as nosas expectativas- coa intención de reflexionar criticamente sobre os usos que facemos das redes sociais, coñecer alternativas aos espazos e empregos máis estendidos e facernos máis conscientes do valor e da ampla presenza da lingua galega nos intercambios comunicativos nas comunidades da web.
A profesora Pilar Ponte, coñecedora das potencialidades e das reviravoltas legais e comerciais das diversas redes sociais, causou impacto botando luz sobre as interaccións en internet e sobre as intencións e as implicacións de determinadas condutas en redes como Tuenti ou Facebook. Amosou, ademais, a vitalidade e as vantaxes do emprego da lingua galega neses espazos e en iniciativas propias como Cabozo ou Lareta.
O xornalista e articulista Xosé Emilio Vicente, impulsor e xestor da rede de novas sociais Galiza Rebelde, presentou este sitio como unha alternativa na web social para o intercambio da información ao empregar unha aplicación funcional (slinkset) na que son os propios usuarios os que achegan e valoran as novas. De maneira moi sintética, ofreceu algunhas claves para entender o funcionamento dos media, poñendo en cuestión a súa gratuidade e pretendida obxectividade.
Por último, Charo, integrante do Colectivo de dinamización cultural e autoxestión do lecer Aturuxo, creou unha rede de discusión sobre o uso da lingua, cun alento cuestionador que fixo aflorar multitude de prexuízos e situou no ámbito ideolóxico e afectivo os factores da recuperación de falantes e da fidelidade lingüística.
[Pódense ver as imaxes ampliadas]
Comentarios recentes