A Tabarra Dixital

A lingoaxe i as lingoas, o discurso de ingreso de Ramón Piñeiro na Real Academia Galega (1967), pode considerarse o texto co que se inicia a formación da sociolingüística galega. Nel introduce nocións fundamentais, entre elas a de prexuízo. Este controvertido intelectual, ao que se homenaxea este ano nas Letras Galegas, analiza aí por exemplo a asociación do galego cos grupos desfavorecidos e do castelán cos dominantes, así como os efectos psicolóxicos que provoca esta situación.
Un dos prexuízos que recolle e segue en boa parte vixente é aquel que identifica, en todas as sociedades occidentais, progreso con homoxeneización cultural, coa conseguinte dificultade para entender que o desenvolvemento pode e debe ser compatíbel coa pluralidade.
É fundamental o feito de que lle outorga un sentido histórico e social ao problema da lingua, entendendo que este afecta á autorrealización da colectividade que a fala. Así, o problema da lingua é o problema do país e a recuperación da lingua a recuperación do país.
Unha escolma dos prexuízos aínda actuantes na sociedade galega é o que nos presenta alumnado de 4º nestas diapositivas:
[kml_flashembed movie="http://static.slidesharecdn.com/swf/ssplayer2.swf?doc=osprexuzoslingsticos-090428163331-phpapp01&stripped_title=os-prexuzos-lingsticos" width="425" height="335" wmode="transparent" /]