|
||||||
|
O alumnado de 1º BAC mergullou na historia da literatura (nos Séculos Escuros e no Rexurdimento) para presentar enriquecidos aqueles textos que consideraron máis atraentes. Velaquí unha escolma das súas producións, dos cartaces dixitais, das presentacións de diapositivas con audio, dos vídeos e das liñas do tempo.
  
No inicio da Semana Cultural, contamos cos presenza de María Lado e Lucía Aldao, que nos ofreceron o espectáculo poético-musical Moita poesía, pouca diversión. Cheo de fresca poesía do cotiá combinando os diferentes rexistros das dúas poetas, de historias persoais, de música de guitarra e a fantástica voz de Lucía fusionadas cos versos suxestivos de María, de parodia (antolóxico o recitado de Deitado frente ao mar), de xogos poéticos. E o martes máis palabra creativa, da man de Quico Cadaval (co espectáculo Pantasmas familiares) e Suso de Toro, que disertou sobre A literatura nas nosas vidas. Así recolleu a prensa estas e outras actividades dos primeiros días da semana.
Producións de alumnado de 4º da ESO en Lingua e literatura castelá nas que adapta a poesía á linguaxe audiovisual. Novos parabéns para todos os grupos!
Recollemos nunha páxina específica desta revista algúns dos traballos realizados nas aulas coa poesía de Uxío Novoneyra. Intentamos ilustrar (con imaxes e sons) as referencias, centrais na súa poética, aos elementos do espazo natural, para ampliar o léxico e os coñecementos sobre a natureza, e mais para reforzar as suxestións do diálogo coa terra novoneyrano.
Poemas do alumnado de 4º da ESO realizados a partir dunhas propostas de creación recollidas en Dis ti cuarto.
|
 |
|||||
|
CC © 2012 A Tabarra Dixital - Algúns dereitos reservados |
||||||
Comentarios recentes