A Tabarra Dixital

A Regueifa Plataforma é un espazo de publicación e distribución de músicas (e outras expresións creativas) libres baixo licenza copyleft, no que podemos escoitar e descargar cancións dun bo número de autores/as e grupos, como Fanny + Alexander.

Komunikando é unha rede musical, «un punto de encontro na música galega non subvencionada», cuns 60 grupos, entre eles os barbanceses A Compañía do ruído.

O panorama do folck, incluídas as figuras con proxección internacional, recóllese sobre todo en Ghastas pista?, desde onde podemos tamén baixar pezas en mp3.

Falcatruada, as múltiples páxinas en myspace (caso da de Toñito de Poi) ou as webs particulares (como a dos hiphopeiros Dios ke te krew) son outros sitios desde os que acceder ao estoupido da música do país.

Para estar ao tanto do que acontece no mundo musical galego, a revista na rede Sono-Tone. Se nos interesa unha historia atractiva da música, en Galician Tunes, a plataforma institucional para a promoción da música galega no mundo, temos unha en flash que percorre os principais fitos.