|
||||||
|
Por fin nos reunimos este luns
  
Aquí vos presentamos os relatos gañadores do certame d’A Caramiña, para que poidades gozar deles neste tempo de lecer ou cando vos apeteza.
Remata o curso e a nosa revista volve, nunha edición especial en papel e a toda cor, para conmemorar o XXV aniversario do centro e da propia publicación.
Na xuntanza que tivo lugar hoxe no IES da Pobra do Caramiñal, o xurado dos premios do Concurso de relatos A Caramiña decidiu outorgalos ás seguintes persoas: Categoría Gamela: Antía Varela Torres e Yaiza Santamaría Pérez (IES da Pobra, 1º ESO D) polo seu relato Xogo perigoso. Moitas grazas a todo o alumando da Barbanza pola súa participación e por transmitirnos o alento preciso no camiño da nosa lingua e da nosa literatura.
No inicio da Semana Cultural, contamos cos presenza de María Lado e Lucía Aldao, que nos ofreceron o espectáculo poético-musical Moita poesía, pouca diversión. Cheo de fresca poesía do cotiá combinando os diferentes rexistros das dúas poetas, de historias persoais, de música de guitarra e a fantástica voz de Lucía fusionadas cos versos suxestivos de María, de parodia (antolóxico o recitado de Deitado frente ao mar), de xogos poéticos. E o martes máis palabra creativa, da man de Quico Cadaval (co espectáculo Pantasmas familiares) e Suso de Toro, que disertou sobre A literatura nas nosas vidas. Así recolleu a prensa estas e outras actividades dos primeiros días da semana.
Preme para ampliar
Desenvolveuse no noso IES, ao igual que noutros 80 centros galegos, a Semana das Curtas, un ciclo de curtametraxes e videoclips que son unha boa mostra da creación audiovisual galega de hoxe en día. A iniciativa partiu do IES do Audiovisual de Vigo, así como a acertada selección do material, que incluíu diferentes temáticas e xéneros, con moito proveito educativo.
Bases:
Convoca EDLG (Equipo de Dinamización da Lingua Galega)
(preme para ampliar) As mellores creacións deste proxecto interdepartamental, froito dun longo traballo previo por parte do alumnado de pescuda, lectura de imaxes, construción textual, etc., poden verse xa na exposición que ofrecemos a toda a comunidade, situada no patio cuberto do aulario I. Cada imaxe ten aquí a súa propia historia, real ou imaxinaria, que se irían co vendaval do tempo se non as atraparamos cos nosos aparellos: a lingua de noso, as memorias compartidas, a nosa creatividade, as ganas de contar e dicir… e as novas tecnoloxías. Para ler as historias na rede (e comentalas), abonda con acceder ao noso blogue. Na nosa conta de Flickr temos o conxunto das imaxes, algunhas xeolocalizadas.
|
 |
|||||
|
CC © 2012 A Tabarra Dixital - Algúns dereitos reservados |
||||||
Comentarios recentes