|
||||||
|
Aquí vos presentamos os relatos gañadores do certame d’A Caramiña, para que poidades gozar deles neste tempo de lecer ou cando vos apeteza.   
O alumnado de 1º BAC mergullou na historia da literatura (nos Séculos Escuros e no Rexurdimento) para presentar enriquecidos aqueles textos que consideraron máis atraentes. Velaquí unha escolma das súas producións, dos cartaces dixitais, das presentacións de diapositivas con audio, dos vídeos e das liñas do tempo.
Un traballo de Alba Fernández Souto a partir dunha proposta de Uxía
Na xuntanza que tivo lugar hoxe no IES da Pobra do Caramiñal, o xurado dos premios do Concurso de relatos A Caramiña decidiu outorgalos ás seguintes persoas: Categoría Gamela: Antía Varela Torres e Yaiza Santamaría Pérez (IES da Pobra, 1º ESO D) polo seu relato Xogo perigoso. Moitas grazas a todo o alumando da Barbanza pola súa participación e por transmitirnos o alento preciso no camiño da nosa lingua e da nosa literatura.
Fragmentos da intervención dos gañadores da edición do Tíralle da lingua no noso IES: Daniel Buceta e Ramón Chaves.
Imaxes dalgunhas das exposicións abertas nesta Semana Cultural:
Abre os álbums. As súas imaxes pódense ampliar con dobre clic.
(preme para ampliar) As mellores creacións deste proxecto interdepartamental, froito dun longo traballo previo por parte do alumnado de pescuda, lectura de imaxes, construción textual, etc., poden verse xa na exposición que ofrecemos a toda a comunidade, situada no patio cuberto do aulario I. Cada imaxe ten aquí a súa propia historia, real ou imaxinaria, que se irían co vendaval do tempo se non as atraparamos cos nosos aparellos: a lingua de noso, as memorias compartidas, a nosa creatividade, as ganas de contar e dicir… e as novas tecnoloxías. Para ler as historias na rede (e comentalas), abonda con acceder ao noso blogue. Na nosa conta de Flickr temos o conxunto das imaxes, algunhas xeolocalizadas.
Recollemos nunha páxina específica desta revista algúns dos traballos realizados nas aulas coa poesía de Uxío Novoneyra. Intentamos ilustrar (con imaxes e sons) as referencias, centrais na súa poética, aos elementos do espazo natural, para ampliar o léxico e os coñecementos sobre a natureza, e mais para reforzar as suxestións do diálogo coa terra novoneyrano.
Tras asistiren os segundos da ESO á charla lúdico-didáctica de Brais Fernández sobre Uxío Novoneyra no Auditorio Valle Inclán, o segundo ciclo da ESO puido achegarse tamén dunha maneira especial ao autor homenaxeado este ano nas Letras Galegas grazas á performance poético-recreadora de Serafín Marcos, sorprendente, suxestiva, sempre provocadora.
É este o título dun libro magnífico que 3º da ESO PDC estivo lendo e traballando no final do 1º trimestre. Agora preséntannos nos seus blogues un poema ilustrado e mais o seu autor. Velaquí a produción de Araceli:
Aproveitounos ben a visita do escritor e ilustrador Anxo Fariña, organizada pola editorial A Nosa Terra dentro do programa de dinamización Bocaberta. Deunos algunhas receitas para bosquexar historias, compartiu experiencias de creación, mostrou algunhas claves da súa obra e ofreceunos unha estupenda demostración de creatividade. E, aínda por enriba, con participación constante. Velaquí a crónica de 1º ESO C:
E que dixo o alumnado de 1º ESO B?
Así o recolle A Nosa Terra TV noutro centro:
|
 |
|||||
|
CC © 2012 A Tabarra Dixital - Algúns dereitos reservados |
||||||
(César Piñeiro)
Comentarios recentes